صحيت من النوم فجأة
شفت نور غريب !!
المشكلة أن نور الغرفة مسكر
شفت الساعة على 3 ونص الفجر
طيب .. النور هذا كله من وين ؟؟؟
-----
تفاجأت لما شفت يدي نصها بالجدار
طلعتها بسرعة وانا خايف جلست اشوفها
دخلتها مره ثانيه بالجدار .. تدخل !!!!!!!!
----
سمعت صوت ضحك
جلست التفت لقيت اخوي نايم !!!
قمت من السرير وانا خايف رحت اصحيه
بس ما يرد علي
رحت لغرفة أمي
أحاول أصحي أبوي
أبغى أحد يرد علي ماردوا
رحت لأمي أحاول اصحيها فجأة قامت من النوم !!!!!
---
هي قامت من النوم بس ماكلمتني
كانت تسمي ' بسم الله الرحمن الرحيم ' وتكررها ..
قومت ابوي من النوم قالت له قوم قوم
ابغى اروح اتطمن على العيال ..
أبوي جاوبها باستغراب ' موب وقته خليني انام وبكرا يصير خير '
لكن باصرارها قام من النوم مستغرب وراحوا سوى
---
جلست أصرخ أمييي أبوييي
بس محد يرد !!!
مسكت ثيابها ابغاها تسمعني
بس ماحست !!!
جلست امشي وراها لحد ما وصلت غرفة النوم
دخلو غرفة النوم وشغلو اللمبات
ماكانت تفرق معاي لأن الدنيا منوره أصلا
بسسس تفاجأت لما شفت شي غرييييييب
---
شفت جسمي !!!
ايـــه جسمي انا
جلست أطالع في نفسي لقيتني صرت اثنين
قلت في نفسي مين هذا ؟ وكيف هذا يشبهني !!!
جلست أضرب في نفسي أبغى أصحى من هذا الحلم الكئيييب
لكن ما صحيييت
---
أبوي قال ' يالله شفتي انهم نايمين خلينا نمشي '
لكن أمي ما هدت راحت عند اللي كان نايم مكاني
قالت محمد قووم محمد قووم رد علي
بس ما يرد !!!
حاولت أكثر من مرره وفجأة بدأت دمووع أبي تتساقط
أبي القوي الذي لم أرى في حياتي دموعه رأيتها اليوم
بدأ الصراخ يعلو المكان .. صحى أخي من النوم قال ' وش صاير '
أمي قالت له وهي تصرخ ' أخووك ماات محمد ماات ' وهي تبكي بحرقة
---
ازداد الصراخ
رحت لأمي قلتلها لا تبكي أنا هنا شوفيني!!
مافي احد يرد علي ليييه
جلست أصرخ أنا موجووود شوفوووا
بس مافي حد يرررد
جلست أصرخ يااااارب يااااااارب يخلص الحلم اللي انا فييه
---
سمعت صوت يأتي من بعيد وكان يعلو شيء فشيء
حتى سمعت قوله تعالى : ((
لقد كنت في غفلة من هذا فكشفنا عنك غطاءك فبصرك اليوم حديد
لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ))
فجأة في اثنين مسكوني بس هم مش من البشر
خفت !!
جلست أصرخ أتركووني أتركووني
أنتو مييين ؟؟ وش تبغون ؟؟
قالو : ' أحنا حراسك لحد القبر '
----
قلت أنا مامت أنا لسى حي
لييه تودوني القبر أتركووني !!
أنا أحس و أتكلم و أشوف لسى ما مت
ردوا علي بابتسامه
قالو ' عجيب أمركم يالبشر تظنون أن الموت نهاية الحياة ولا تدرون أن ماكنتم تعيشون فيه هو حلم قصير ينتهي عندما تموتون '
مازالوا يسحبون فيني لحد القبر
وحنا بالطريق شفت ناس تبكي وناس تضحك و ناس تصرخ
وكل واحد معاه اثنين زيي
سألتهم ليييه يسوون كذا ؟؟
قالوا ' الناس هذوووولا عارفين مصيرهم منهم من كان على ضلال '
قاطعتهم وانا خائف ' يعني بيروحون النار !!!! '
قالوا ' نـعـم '
وأكملوا حديثهم ' واللي يضحك هذا رايح الجنة '
رديت بسرعة ' وأنا رايح وين ؟؟؟؟؟ '
قالوا ' أنت كنت شوي تمشي صح و شوي تمشي خطأ
شوي تتوب وترجع اليوم الثاني تعصي وماكنت واضح مع نفسك
وبتضل كذا تايه '
قاطعتهم و أنا خائف ' يعني اييييييييش يعني انا برووح الناار '
ردوا علي ' رحمة الله واسعة و الرحلة طويلة '
---
التفت وأنا خايف شفت أهلي أبوي عمي أخواني أقاربي كلهم
كانوا حاملييني بصندوق رحت لهم ركض قلتلهم ' ادعوا لي '
لكن مافي احد يرد علي منهم من كان يبكي ومنهم من كان حزيين
رحت لأخوي قلت له انتبه من الدنيا وفتنها لاتغريييك
كنت أتمنى لو أنه يسمعني
شدوني الملكيين لقبري ونوموني فوق الجسد حقي
شفت ابوي وهو يرمي التراب فوقي
شفت اخواني وهما يرمون التراب
شفت الناس كلها ترمي التراب فوقي
----
تمنيت لو اني مكانهم في الدنيا كان تبت
كان صليت الفجر أمس
كان دعييت ربي كل يوم
كان جددت توبتي كل يوم
كان بطلت معااصي
جلست اصرخ ' يااانااااس انتبهوووا تغرركم الدنيا '
تمنييت لو احد يسمعني
فهل سمعتني أنت ؟ ؟ ؟
وفي هذه الأثناء قمت من النوم,,,, فالحمدلله
موضوع: صحيت من النوم... 
السبت 7 نوفمبر 2009 - 3:28
